گؤستر ای  گول !  اوزونو   بولبول   نالانه  گئنه

 

گؤستر ای  گول !  اوزونو   بولبول   نالانه  گئنه

گلگینن    نازیله    جانا !   بو   گولوستانه    گئنه

 

عاشیقم    جان  و  کؤنولدن   سن   دیوانه یه  من

گل   قوراق   عشقیمیزه   خانه   و  کاشانه   گئنه

 

گؤستر ای   ماه   منوّر !  رخ   پنهانووی   سن

تا  گؤزوم    بیرده  ساتاشسئن   مه   تابانه   گئنه

 

گل  کناریمده   اوتور  کؤنلومو  آل   شوره  گتیر

من   ووروم   شانه  او  گیسوی   پریشانه   گئنه

 

نه  قدر گیزله ده جکسن  گؤزه لیم! گول اوزونو؟

قالدئم   حسرت ده ،دولوب  خانۀ  دل  قانه  گئنه

 

گؤزلریم یولدا قالئب رنگ روخوم  دای سارالئب

گل  دولانیم   باشووا  ،  عشقیله ،  مستانه  گئنه

 

نه اولور؟ گل! سنی  تانرئ  منیم  امدادیمه چات

یونسی   یاخما   گولوم !  آتش   هیجرانه    گئنه

 

ایسترسن  گئت  من سیز  یاشا

 

ایسترسن  گئت  من سیز  یاشا

گئت  دومان سئز ، چن سیز  یاشا

گئت  خوشلوغو  سونسوز یاشا

یئتر کی  اَل  چک   یاخامدان

 

                                  گئت _ گئت آچئق اولسون یولون

                                   آچئلسئن     قانادئن  _  قولون

                                   چیچکلَنسین  ساغئن_سولون

                                   یئتر کی  ال  چک  یاخامدان

  

باش  قویمارام  داهئ  چؤله

ویدالاشمام  سنلن  بئله

گئت  سوینجله  گوله_گوله

یئتر کی  ال  چک   یاخامدان

  

                                   گئت اوره گیم  دای  اوزولمز

                                    خیال  ائتمه   اوزوم  گولمز؟!

                                     غورورومو  آیاخلا  از

                                     یئتر کی   ال  چک  یاخامدان

 

 

 

آرامئزدا  فاصله لر ، یئر سالئب

آرامئزدا  فاصله لر ، یئر سالئب

ایکی  کؤنول ،  بیربیریندن  آیرئلئب

سئوگیمیزین رنگی سولوب سارالئب

گل بارئشاق، بیرده گولک  سئوگیلیم!

  

 

                           آرزئلئرام  قوجاغوندا  اؤلمگی

                           قویما  اؤله  ایچیمده کی ، بو سئوگی

                           هیجران  اودو  یاخئبدئ  بو اؤره گی

                           گل بوکمه میشقدّی فلک سئوگیلیم!

 

  

داغلار باشئن  قارا  بولود  آلدئ  گل!

اوره ک   گؤلو  نیسگیللرله   دولدو  گل!         

کؤچدو  باهار  بنؤشه لر  سولدو  گل!

گل  اسمَه میش  عؤمره  کولَک  سئوگیلیم!

 

 

 

سالدئ  بنده  کؤنلومو  زولف  پریشانئن   سنین

سالدئ  بنده  کؤنلومو  زولف  پریشانون   سنون

ائتدی  دیوانه   منی   اول   ماه   تابانون  سنون

  

آلدئ   زولف   کافرون  مندن   صنم!   ایمانئمئ

سانکئ  ای جنّت  پریسی!  یوخدو ایمانون سنون

  

خنجر   ابرولروندن    قورخورام    قانیم   تؤکه

قتلیمه  فرمان  وئره  اول  چشم  شیطانون  سنون

  

یاخدئ  شمع  جانیمی  ذوب  ائتدی  عشقین آتشی

گل! ترحّم قئل کئ یاندئم ، یانماسئن جانون سنون

  

اولموشام  ای لاله رخ! من  حوسن رویون مایلی

سولماسئن هئچ  بیرزامان باغ وگولستانون سنون

  

یونسم   عشقونده   هردم   سؤیلرم   دونیایه  من:

کاش اولایدئم دلبریم! بیرگون ده  قوربانون سنون

 

شعرین قالبی قوشما

غضبدن الیوه آلدین بیر داشی

گوزتلش آتما سن سیندیررن باشی

باشارسن سیلگینن اوزده گوز یاشی

گوز یاشی اوزلره جالییان اولما

هردن دا شن لیکی مجلسه گتیر

غصه نی کدری اورکدن ایتیر

ائلینده اوزونه بیر گولوش یئتیر

غملری غم اوسته قالییان اولما

ازل دانیشانده فکر ائیله سونی

قاتما سن سوزونله اوننادا بونی

بئله سوز دئمه کی داهاسن اونی

توپوردوقون بیردا یالییان اولما

قیش دا ایاق چکیب یاییندا گلر

روزی میز دیشلرین ساییندا گلر

لقمه ین باخگینن هایاندا گلر

حرامدان توتولان مالی یان اولما

اگر کی بیر زادی گورمامیش اولدین

زحمتی چکمه ییب اکمه میش اولدین

آرینین جورون دا چکمه میش اولدین

سوخولوب هر یئرده بالی یان اولما

دئدیم جهانبخشه نفسی گلسین

سوزیله ظالمین قلبینی دلسین

صبر ائیله هرزادین اوز وقتی گلسین

یئتیشتیرمیوه نی کالی یان اولما

نه یی گوزه لدی ؟!

چمنسیز باهارین چیچکسیز یازین

 

نه یینه وورولوم نه یی  گوزه لدی؟!

وفاسیز دلبرین عشوه سیز قیزین

نه یینه وورولوم نه یی  گوزه لدی؟!

چکیره م حیاتدا مین جوره ظولوم

بئله گونلریمه من نئجه گولوم

بو دونیا کی منه پای وئریر اولوم

نه یینه وورولوم نه یی  گوزه لدی؟!

قوی دئییم سوزومی ائتمه ییم گیزین

بو گون اوتوردوقوم اوستونده میزین

صاباح کی بیلیره م اولاجاق سیزین

نه یینه وورولوم نه یی  گوزه لدی؟!

اوزو ناحق حقدن مایه قویانین

خالقیمی آهیله وایه قویانین

ظولومکار انسانین خلقی دویانین

نه یینه وورولوم نه یی  گوزه لدی؟!

دم وورور

بیری وار ظلم ائدیر گوز گوره گوره

 

آغزین آچیب عدالتدن دم وورور

اماملارین سایین بیلمیر نئچه دی

                                   علی دن دانیشیر حقدن دم وورور

بیری وار دوغرونی یالانی بیلمیر

یاخچی نی تانیمیر یامانی بیلمیر

آبروسین ساتیبدی حیانی بیلمیر

                                ناموس دن غیرتدن عاردن دم وورور

بیری ده نمازین دوزونه قیلمیر

هئچ کیمین گوزونون یاشینی سیلمیر

دنیاسین بزه ییر آخرت بیلمیر

                                 ساققال قویوب دین ایماندن دم وورور

آیاق  یالین اللی ائلی دولانیر

غنچه دهن ساری تئلی دولانیر

قاشی کمان اینجه بئلی دولانیر

                                  پیغمبر دن شریعتدن دم وورور

بیری تکجه ظاهرین تمیزله دیر

اوز عالمیندن اوزون عزیز له دیر

سفره سین آچماییر چوره ک گیزله دیر

                             آمما گلیب دوزچوره کدن دم وورور

بیری ده وار اوزو قالیب ایشینه

باغلامالیدیر اوکوزون هئشینه

اصلا بیلمیر آرواد نه دی  کیشی نه

                              کیشیلیقدن دئییر اردن دم وورور

بیری جهانبخش تک ائلچین چالیشار

ائلینین غمینده یانیب آلیشار

یئری گلسه آغزین آچیب دانیشار

                           دم ده وورسا اوز ائلیندن دم وورور 

بوگون یا صاباح

بیر گولو سئویره م اینسیز بویاقسیز

عشقینده یانمیشام کؤز سیز اوجاقسیز

سؤز اونا وئرمیشام دیل سیز دوداقسیز

سؤز منه گونده ریب ال سیز واراق سیز

بیچیلدیم هجریده ن بئل سیز اوراق سیز

گؤز یاشی توکمیشام چای سیز بولاق سیز

گله جک یانیما بوگون یا صاباح

اونو کی سئویره م اینسیز بویاق سیز

بیر یئرده قالیبدی یول سیز یولاق سیز

یانینا گئتمیشام ال سیز آیاق سیز

باشیما دولانیب تئل سیز داراق سیز

نور ساچیر عالمه گون سیز چیراغ سیز

یئریمی تاپیبدیر سؤز سیز سوراق سیز

قادسین آلارام بوگون یا صاباح

وورولدیم اوناکی اینسیز بویاق سیز

باش اونا اییرم بؤرک سیز پاپاق سیز

اوره کده یئر آچیب یان سیز یاناق سیز

ائلینده قالمیشام ائوسیز اطاق سیز

اولماسا اولارام ائل سیز دایاق سیز

گؤیلره یول سالیب آت سیز بوراقسیز

                                         قوینونا گیره جام بوگون یا صاباح

یاندئردئ    انتظار ،   قوووردو   منی

یوللارا   باخماقدان   گؤزوم   یورولدو

کول ائتدی  ،  گؤیلره  سوووردو  منی

باغرئمدا  آلوووم   _ کؤزوم  یورولدو

 

                              اکیلدیم  بو یئرده ،  بیر سؤیود  کیمی

                              آلدئم    قوجاغئما   کدری   -   غمی

                              یئره    قویانمادئم    من   بو  یوکومو

                              توکندی   طاقتیم  ،  دیزیم    یورولدو

  

کاروان - کاروانآرزئایچیمدهاؤلدو

آیاقلار     آلتئندا     اومیدیم     قالدئ

آیرئلئق   خنجری   باغرئمئ    بؤلدو

بو  هیجران  یولوندا  ایزیم   یورولدو

  

                             آجئغئم    دای    گلیر   دؤزومدن    منیم

                             کؤچوبدور    چیچکلر   یازئمدان    منیم

                             کوسوب خوش ماهنئ لار سازئمدان منیم

                             حزین   چالمالاردان   سازئم    یورولدو

  

بیلمَه دیم   بو درده   هئچ  نئجه   دؤزدوم

گؤزومون   یاشلارئن   بیر ساپا  دوزدوم

آغئت لار   سؤیله دیم    شئعیرلر  یازدئم

قورودو   قلمیم   ،    سؤزوم     یورولدو

                                                                         

  

 

 

ای کی! کؤنلوم  قان  اولوب هیجرینده، اولدوم یار! گل!

 

ای کی!  کؤنلوم  قان  اولوب  هیجرونده، اولدوم یار! گل!

نور  چشمیم   سؤندو   لوطف   ائت ،  عالم   انوار!گل!

 

آیریلیق     دردی     یاخیر    آتش     مثالی     جانیمی

بو  نه اود  دیر کئ  سالیب سان  جانیمه ، قورتار،  گل!

 

نهگئجه م   گوندوز  اولور  نه  گؤزلریم   بیرجه  اویور

دل    پریشان    یارینی   آل   غم   الیندن    یار !   گل

 

سئوگیلیم !  عشقون   منی   رسوای  عالم   ائیله ییب

بیر   ترحّم  ائیله     جانا !     قیلگینان   ایثار    گل !

 

دوشموشم   مجنون  تک   لیلا !   دالینجان    چوللره

سن ده اول  اؤز  یارووه ،  مجنونووه  ،  غمخوار گل!

 

درد   بی   درمانیمین    درمانئ سان   سن    ای  پری!

قالماییب   تابیم  -   توانیم  ، اولموشام   بیمار   گل!

 

گئچدی   اول   فصل   خزان   یئتدی  بهارین   موسمی

تک جه  سن   قالدون  گولوم !  ای  لالۀگولزار !  گل!

 

نقد    جانیمدیر    بهای    وصل    اول    جانانیمین

سؤیله  یونس  !   عشقیلن  ای   رونق  بازار !   گل

طعمه   ائتمیش   خالینی   زولف  چلیپاسئن   تله

 

طعمه   ائتمیش   خالینی   زولف  چلیپاسئن   تله                      

تا کئ  توتسون  کؤنلومو  سالسئن   جهانه  ولوله

گؤزده  اول  دام  بلادن ای  یازئخ  کؤنلوم  منیم!

دوشمه اول توستاقینه چوخ تئزدی، ارکندی هله

 

                                   ای کؤنول! گیرمه پری طلعت لرین دنیاسینه

                                    اویما آلدانما  اوزو گؤیچک  لرین  سئوداسینه

 

 بیرده قورخوم  گؤزلریندن دی ائده جادو منی                                

 باغلایا    زنجیرعشقه    ائیله یه   بد خو  منی

ائیله یه   مجنونه  تای    چوللرده    آواره  اسیر

 اوخلایا   آهو مثالی  ،  اول   کمان ابرو  منی

 

                                   ای کؤنول!گیرمه پری طلعت لرین دونیاسینه

                                   اویما  آلدانما اوزو گؤیچک لرین  سئوداسینه

 

گؤرمه ییب عالمده بیرکس،خوب رولردن وفا

چکدیریبدیربولبول شیدایه بیر  گول  مین  جفا

یئتمه ییبدیر   وصلت    لیلایه    قیس   دردمند

سنده   یاخما   کندینی  عشقه- اودا - ای  بینوا!

 

                                    ای کؤنول! گیرمه پری طلعت لرین دنیاسینه

                                    اویما آلدانما  اوزو گؤیچک لرین  سئوداسینه

 

قورخورام ای دل! سنی زار و  پریشان ائیله یه

باغلایاندان  سونرا  عشقه  قصد  هجران ائیله یه

سؤیله یه  گل!گل! دالئمجان  ائیله یه عاشق سنی

اؤلدوره  رحم  ائتمه دن  قانونده  غلتان ائیله یه

 

                                    ای کؤنول! گیرمه پری طلعت لرین دنیاسینه

                                     اویما آلدانما  اوزو گؤیچک لرین سئوداسینه

 

سؤیله:یونس!کؤنلونه  زار و پریشان اولماسئن

هر دلارا  عشقینه   بیهوده   قربان   اولماسئن

عشقی باشه چاتدئران تکجه وفا دئر،تک وفا

خال وخط افسانه دیر، بد نام دوران اولماسئن

 

                                     ای کؤنول! گیرمه پری طلعت لرین دنیاسینه      

                                     اویما آلدانما  اوزو گؤیچک لرین سئوداسینه    

بوگون یا صاباح

بیر گولو سئویره م اینسیز بویاقسیز

عشقینده یانمیشام کؤز سیز اوجاقسیز

سؤز اونا وئرمیشام دیل سیز دوداقسیز

سؤز منه گونده ریب ال سیز واراق سیز

بیچیلدیم هجریده ن بئل سیز اوراق سیز

گؤز یاشی توکمیشام چای سیز بولاق سیز

گله جک یانیما بوگون یا صاباح

اونو کی سئویره م اینسیز بویاق سیز

بیر یئرده قالیبدی یول سیز یولاق سیز

یانینا گئتمیشام ال سیز آیاق سیز

باشیما دولانیب تئل سیز داراق سیز

نور ساچیر عالمه گون سیز چیراغ سیز

یئریمی تاپیبدیر سؤز سیز سوراق سیز

قادسین آلارام بوگون یا صاباح

وورولدیم اوناکی اینسیز بویاق سیز

باش اونا اییرم بؤرک سیز پاپاق سیز

اوره کده یئر آچیب یان سیز یاناق سیز

ائلینده قالمیشام ائوسیز اطاق سیز

اولماسا اولارام ائل سیز دایاق سیز

گؤیلره یول سالیب آت سیز بوراقسیز

                                         قوینونا گیره جام بوگون یا صاباح

عؤمرومون   گولشنی   بیهوده   خزان  اولدو  نیه؟

 

عؤمرومون   گولشنی   بیهوده  خزان  اولدو  نیه؟

چاره سیز  دردلریمین   سیرری  عیان  اولدو  نیه؟

 

قلبیم هئچ  گولمه دی  عشقینده   بودنیاده ،  ولی

بو   قرا  گؤزلریمین    یاشی   روان   اولدو  نیه؟

 

دیلیمین  ازبری   مین   جور  و  جفا   ائتدی  منه

او  شیرین  سؤزلری  فیکریمده  گومان اولدو نیه؟

 

گؤرمه دیم هئچ یوخوسون بیرکره عؤمرومده  بئله

او  گؤزه ل   قاشی   کمان   قاتل  جان  اولدو نیه؟

 

آلدئ    مندن   گونومو  ظولمته    تاپشیردئ  منی

گونیدی    گونلریمه    ایندی   نهان   اولدو   نیه؟

 

بخته ور  بختیمه   باخ  می ده  حرام  اولدو  بیزه

بوتون  عاشیقلر ایچیردی  بیزه ،  مان اولدو نیه؟

 

تاپاجاقسان  گئنه  یونس !  گئجه وین  اولدوزونو

دئمه  هئچ   بیرکسه  سن  دل  نیگران  اولدو نیه

عؤمرومون  یولو  چنلی- دومانلی

 

 

عؤمرومون  یولو  چنلی- دومانلی

گئده  بیلمرم  بو چنلی  یولو

یاشاماق  منه  چوخدان  حارامدئ

غمله  یاشادیم  حیاتیم  دولو

  

                     عؤمرومون یولونقار- بورانآلدئ            

                    اللریم  دوندو آیاق  یورولدو

                     ساچلار  آغاردئ  اوره گیم  اؤلدو

                     درد- کدر توتوب  ساغیلا- سولو

 

هر گئجه  ایشیم ، آهدئ- فغاندئ

حسرتدن  باغریم  بیر  پارچا  قاندئ

سارالیب - سولدوم ، یازیم  خزاندئ

سولدیرار  خزان  یاندیرار  گولو

  

                     بو  عؤمور  یولو  کیم  دئییر دوزدو؟!

                     دؤنیملرینده  چوخلارین  ازدی

                     آلدئ  جانلارین  یان- یانا  دوزدو

                     آخ! بو یولون  کاش  سینسین  ال- قولو

 

عؤمور  یولونون  سون باشئ  قیشدئ

انیشی  آزدئ  چوخو  یوخوشدو

فلک  هاخلادئ  گلدی  یئتیشدی             

فلکین  گرک  بوکولسون  بئلی         

باغلانسین  اونون  گلدیگی  یولو

                                                     

 

فرقتوندن یاندی باغریم اوره گیم قان اولدی گل
گل کی رخسارون بو مرده جسمه جان اولدی گل
دونیانین ناز و نعیمی، باغ و بستانی منه
سنسیز ای سولطان خوبان بند و زندان اولدی گل
ایستدی لعلین فراقی جانیمی یاخماق ولی
شوقه یانمیش جانه لعلین آب حیوان اولدی گل
اول کونول کی دایمن ایشی سنونله وصل ایدی
یاندی شوقوندان اسیر درد هجران اولدی گل
جانیمین جانی وصالیندور وصالوندان اونی
تا کی اییردی فلک بیچاره بیجان اولدی گل
عاشقین باغ و گولستانی اوزون گلزاریدیر
هانسی گولزارین گولی گول سوز گولیستان اولدی گل
جنتین صحنینده طوبی واله و حیران و مست
قامتون حسنونده ای سرو خرامان اولدی گل
تا منی تقدیر یزدان ایله دی سندن جدا
کونلومون حالی پریشان دیده گریان اولدی گل
معجزاتوندان یاناغون، محکماتوندان ساچون
خار و خاشاکی جهانین ورد و ریحان اولدی گل
بحر بی پایانه شوقون جانیمی غرق ایله دی
گؤر نه بیداد ایله دی هجرون نه طوفان اولدی گل
بو نسیمی سندن آیری بیلدیگیم یوخدور وجود
درد و درمان، وصل و هجران، جمله یکسان اولدی گل
عماد الدین نسیمی

دلیر  غم  باغریمئ  یا  رب!گئنه  یاردان  خبر  یوخدور

دلیر  غم  باغریمئ  یا  رب!گئنه  یاردان  خبر  یوخدور

قارانلیق  تار و  ظولمانی  گئجه مده  اول  قمر  یوخدور

 

قا لیبد یر   گؤزلریم    یولدا   خدایا!   اول  گواهیم  سن

چکیر  مین   آه   کؤنلوم   لیک   آهیمده   کسر  یوخدور

 

یاغیر  باران   حسرت زا    کویر  سینه مه    هر  گون

نه دن   بو  غملی   کؤنلومده   وصالیندن  اثر  یوخدور؟

 

گؤزه ل   اول   دلبریم   مثل    کبوتر  اوچدو   بامیمدن

دئدیم: گئتمه  قاییت ، دؤن گل، منیچین بال و پر یوخدور

 

نه دن   اول   دلبریم   یاخدئ   دل  مجروحیمی   گئتدی

نه دن  تیره  شبیم   گئتمیر؟ نه دن   نور سحر یوخدور؟

 

فلکده    اویناییر منلن ،  نه   ایستیر   بیلمیرم  ظالیم

اؤره ک  قان  ائتمگیچین  مندن آیرئ کس مگریوخدور؟

 

خوش اول ای دلبرزیبا! سنی  خوش  گؤرمک آرزیمدیر

دالینجا  گؤزیاشئ   توکمم   داهئ   چونکو  ثمر یوخدور

 

بؤیوک  بیرفخرونعمت دیر کی  عشقه باش اییب  یونس

غمینن ده    دؤزر   آخر   اونا    آیرئ    هنر   یوخدور

 

 

فراقی چکمه ین عاشیق، وصالین قدرینی بیلمز جمیله اولمایان واصیل، جمالین قدرینی بیلمز شب اسراده قوسینین ایکی نصف ائیله دی آیی بو معجزدن اولان غافیل، هلالین قدرینی بیلمز دوداغین سلسبیلیندن خبردار اولمایان جانسیز اونون ماهییتی اود دور، زلالین قدرینی بیلمز مدور نقطه ی خالون، ببک دن عینینه قوندی ببک سیز قالسین اول گوزکی بو خالین قدرینی بیلمز نهالون اعتدالیندان، اوتانار سدره و طوبی بو قدی بنزه دن سروه، نهالین قدرینی بیلمز سنی سندن دیلر کونلوم، نه دونیانین زر وگنجین کی اول مالی سئون جانسیز، بو مالین قدرینی بیلمز اوزوندور پرده آللاهین یمینی، کعبه سی، بیتی یمینی بیلممیش هر کیم شمالین قدرینی بیلمز گونش ماه تمامیندن زواله اوغراشور هر گون نه دن شول آفتابی بی زوالین قدرینی بیلمز لب لعلون وصالیندان جدا اولماق منه دوشمز بو ذوقی بیلمه ین صوفی، بو حالین قدرینی بیلمز "نسیمی" صوفی دگیشمز غموندن گئیدیگی شالی کی اول صوفی صفاسیزدور بو شالین قدرینی بیلمز نسیمی

قارقا گلیب دور باغا
پنیر گوتوروب قاخدی بوداغا
تولکی گلیپ دور
ماحالا
فیکیر چکیپ حُقه حیله قورماغا
مکریله ریا کوینین گییپ
باشلادی
بویله سویلاماغا
نه گوزل سن قارا قارقا
به نه صفا ویرمیسن بیزیم باغا
نه
گوزل یال کوپالون وار
نه گوزل عالی سسین وار
قارقا باش گولاغین تل داماغین
یاغلادی
تصویر چکیپ فیس بوکا یولادی
حقه ییپ تولکیه بل باغلادی
یار
یولداشین یوزرلرین باغلادی
جان بیرقالیب یار یولداشین اورک لرین
داغلادی
تلکرام دا اینیستادا پروفایلین یاغلادی
قارا باسمیش قارقا خروس کیمی
بانادی
پنیر توشدی تولکی یوکی باغلادی
قارقا دیل داماغین سالادی
پشمان
اولوب قول قاناتی داغلادی
اولماسیدی جهاندا قارقا کیمی سار ساخلار
آج قالاردی
تولکی کیمین یالتاخلار
احمد اگر بولسه پنیر قدرینی
الله سلَّر اونا نازلی
رزقینی
لئن شکرتم لازیدنکم